دي آخر تدوينة لي في شهر أغسطس
و في حملة التدوين اليومي لشهر أغسطس 2011
الحقيقة إني ما تصورتش إني أكمل الحملة دي للآخر
توقعت إني أقف في النص ... لأني تعودت إن نفسي قصير و مش بيستحمل أكتر من كام يوم و خلاص !
بس لقيت نفسي بكتب حتى في الأيام اللي كان فيها التفكير واقف كنت بلاقي مواضيع أتكلم عليها
صحيح مش كل التدوينات كانت رائعة و 100% لكن في النهاية كتبت .. و كل يوم :)
صحيح كنت بتأخر أحيانًا كثيرة في الكتابة و لكن لظروف خارجة عن إرادتي أغلب الوقت
كان في مواضيع كتيرة نفسي أتكلم عنها
لكن للأسف لا الوقت و لا النفسية و لا الظروف كانت مساعدة .
كمان حسيت و لأول مرة إني رغاية أوي !
يعني عارفة إني بحب أتكلم بس مش بالطريقة دي هههههههههه
أنا اتبسطت بجد في الحملة دي و كانت فرصة سعيدة لأني ما اشتركتش في حملة شهر يونيو لنفس العام
و سعيدة إني اتعرفت على مدونين و مدونات حلوين أوي :)
أشكركم كلكم إنكم اقتطعتم ردحًا من وقتكم لقراءة مقالاتي السخيفة و أشكركم مرة أخرى على تحملكم لي
و تعليقاتكم الجميلة التي سأبدأ في الرد عليها قريبًا بإذن الله و قبل إنشغالي في الثانوية العامة :)
شكرًا لكم جميعًا :)
نلتقي على خير ..
قريبًا جدًا :)
استمعت بجد يا ساره بالتدوينات اللى قريتهالك
ردحذفوبتأسف لو كنت مش تابعتك يومياً
الحملات دى بتعرفنا اد ايه احنا قادرين نكتب ونفكر فى كل حاجه حوالينا حتى لو كنا احنا مش عارفين اننا نقدر نعمل كده
كل حمله وانتى طيبه :))
kol 3am anti bekhir
ردحذفمبسوط انى قريت ليكى
ردحذفوبالتوفيق ف الثانويه
:)
مدونه لطيفه تستحق المتابعه وبالتوفيق اختي
ردحذفاتمنى تزورين مدونتي وتعطوني رايكم
مع الشكر والتقدير
تحياتي
محمد العيدان
http://monwa3ati.blogspot.com/