الثلاثاء، 2 أغسطس، 2011

أول يوم صيام

التدوينة التانية لحملة التدوين اليومي لشهر أغسطس :) ...

النهارده هحكي لكم عن أول يوم صيام في حياتي كلها ...

كنت في 3 ابتدائي و كنت متعودة أسيب إزازة الماية جنبي و أنا نايمة

و كنت أيامها كمان بنام مع بابا و ماما في الغرفة لأني كنت بخاااااااااااف T^T 

( ماكنتش شجاعة و أنا صغيرة و كنت بخاف أوي من الضلمة و ممكن بعد كدا أبقى أحكيلكم حكاية تغلبي على خوفي دا ! )


الموووووووووهيم ... صحيت يوم 1 رمضان الصبح و هوبا و أنا لسه نايمة على نفسي و مش شايفة قدامي و عيوني عاملة زي

عيون الصينيين كدا هو -_- ... و شلت ازازة الماية و دروء...دروء ...دروء ... ايه دا ؟! دا الواحد كان عطشان خالص !!

و بابا و ماما بيصوتوا ...ايييييه ! وقفي شرب !

نعم O_O?! ليه؟! هو في ايه ؟!

النهارده أول رمضاااااااااااااااااااااان و انتي صايمة ...









كان منظري كدا بالظبط ...

بس الحمدلله ... طلع عادي و مضى اليوم الأول بسلام !

و من يومها و أنا حابة الصيام و مداومة عليه ...  و كل رمضان أفتكر الموقف دا و أقعد أضحك ...

و خلاص بطلت و حرمت ... أحط المايه جنبي تاني و أنا صايمة !!

هناك 7 تعليقات:

  1. انا بقى عملتها بس مش ميه

    وانا رايح المدرسه اشتريت عود قصب ومصيته كلللله وع الضهر كدا افتكرت ان انا صايم :D :D :D

    ردحذف
  2. يا إلهي ! XD

    عووووود قصب كامل :D ?

    طب كنت جايبة من عصارة ايه ؟ هههههههههههههههههههه

    يلا بقه معلش ...جلّ من لا يسهو و دي كانت أول مرة صيام بقه XD

    أشكرك يا تاكاشي على المرور و التعليق الجميل دا =)

    و مستنية تشريفك لي في المدونة ع طول ^.^

    ردحذف
  3. انا بقي ياساره فطرت قبل الأذان بخمس دقايق وانا ناسيه علي زتونه مخلله

    ههههههههههه طفاسه

    ردحذف
  4. heba atteya youssef @ عااااااااااااااااااااااااااادي XXXXXD
    بتحصل في أحسن العائلات :D
    هههههههههههههههههههههه
    ضحكتيني جدااااااااااااااااا

    تسلمي لي =)

    و أنتظر تشريفك لي في المدونة على طول ^.^

    ردحذف
  5. كان يوم غريب جدا ومافتكرتش انى صايم الا على الضهر

    بس سيبك انتى القصبايه كان طعمها حلو اوى :D :D :d

    ردحذف
  6. تاكاشى @ :D :D
    طب يا سيدي بالهنا و الشفا ههههههههههههههههههههههههههههه

    ردحذف
  7. انا فاكر اني زمان كنت بصوم صيام الحاجة يعني اصوم لغاية الظهر و ابعدين اكل بقي

    هو انا هصوم اليوم كله و لا ايه ؟
    ههههههههه

    ردحذف