تركن عربيتك في المكان المخصص للوقوف و ترحل ثم تعود بعد قليل لتجد و قد اصطفت السيارات أمام سيارتك
و أصبحت ثلاث صفوف للسيارات !!
و حينما تحاول أن تتكلم ... تجد مئة شخص يدافعون عن صاحب المخالفة الواضحة و شجار كلامي قد يصل للضرب !
عندما تحاول أن ترمي القمامة في المكان المخصص لها فتجد مئات من أكياس القمامة تلتف حول السلة و لا كيس واحد في السلة نفسها !
و عندها أحاول أن أسأل نفسي ...
لماذا ؟!
لماذا هذه الفوضى ؟
لماذا نحب مخالفة القوانين ؟
هل هي الطبيعة المتمردة للبشر ؟ أم أن خلف هذه المخالفة شيء ما في الأعماق كامن ؟
أغلب الظن أن هذا مجرد اعتراض صامت على قوانين الدولة !
المصريون ليسوا فوضويين كما يحب أن يصور لنا الإعلام
بل هم يعترضون على شيء ما بداخلهم !
فهم يعتقدون أن الدولة مقصرة في حقها معهم
فهي لا توفر جراجات للسيارات و لا تطبق القانون فيما يتعلق بالمقاهي و الكراسي التي تسد حارة الطريق باستمرار
ولا تعاقب على إلقاء القمامة ...!!
كل هذا يؤثر في نفسية المواطن بالتأكيد و تجعله يتصرف بطريقة جنونية قليلاً و غير مسئولة تمامًا !
عندما سـُئلت لماذا أحرص على إلقاء القمامة في مكانها و آخذ معي كيس بلاستيكي لأضع فيه القمامة في السيارة
أجبت قائلة : أنا بعمل دا عشان نفسي و عشان صحتي و عشان هتحاسب قدام ربنا على دا ...
أنا مش بعمل كدا عشان أجامل عامل النظافة ...لأ !
ربنا مديني البلد دي أمانة في عنقي ...و هيسألني عنها يوم القيامة ، هقدر أقول ايه لربنا لو رميت زبالة و بوظت البلد ؟!
أنا عارفة إن دا مش هيؤذي حد غيري في الأول !
الناس اللي عندها قصور و بتشرب مايه معدنية و هوا نضيف مش هاممها لكن هاممني أحافظ على البلد دي لأني بحبها و لأنها
أمانة !
يا ترى لو كل واحد فينا بدأ يفكر بإيجابية و يحس إن دي بلده فعلاً و إنه المفروض ما يرميش حاجة على الأرض
أو يخالف القانون و حتى لو كان القانون مش في صالحه يحاول يجري عليه عشان يصلحه،، هيحصل ايه ؟!
أحب أتخيل و أسيبكم تتخيلوا معي :)
عشان يوم نصحى و نلاقي نفسنا عملنا الصح ... و لاقينا الصح مكان الغلط !
حلوة ... استمري
ردحذفربنا يستر
ردحذففكر كويس
ردحذفبس ال يعمل به
وبالنسبه لموضوع الاكياس ال بتبقى حوالين الباسكت وولا كيس ف الباسكت
ف ده لان احنا بنتمرن ع كره السله
ونظرا لعدم توافر ملاعب
فبنسخدم الوسائل المتاحه
دمتى بخير يا فندم
:)
عارفة أنا و الله الموضوع ده بيزعلنى أوووى
ردحذفاحنا فى أيدنا نبقى أحسن بكتير بكتير بجد !
بس ممكن يكون هو ده التفسير فعلا !!
تسلمى يا سووو :)
" ارمي الزبالة في الشارع و خلاص يعني هو انتي اللي هتصلحي الكون "
ردحذفده اللي هتسميعيه لو حبيتي ترمي الزبالة في البسكت او ترمي كيس البسكوت او الشيبسي في الشارع
انا غالبا بيبقي جيبي مليان كياس بسكوت و غالبا بنسي اشلها الا عند غسيل البنطلون او عند تفريغ الشنطة
قال رسول الله صلي الله عليه و سلم
لا يكن احدكم امعة يقول إذا أحسن الناس احسنت و إذا أساؤا اسات