الاثنين، 5 سبتمبر، 2011

كتاب و مجلة ... :)

ازيكم :) ؟!

عاملين ايه ؟!

ان شاء الله تمام التمام ،،

النهارده جايه أفرحكم شوية ...

(1) 


فاكرين مشروع كتاب الـ100 تدوينة ؟!

أخيرًا و بعد مرور ستين يوم على المشروع ... خرج الكتاب إلى النور :)


دا الغلاف ... جميل جدًا :) 

تسلم ايدك يا جهاد نجيب على الشغل الاحترافي دا .

 هو الاسم ممكن ما يلفتش الإنتباه إنه فيه مقالات سياسية و اجتماعية و أنه أدبي بحت ... لكن أنصحكم بقراءته و قراءة ما فيه

من مقالات سياسية ... فهي رائعة حقًا :) .

بالنسبة لي ، فمقالة  (ديجافو) هي المنشورة في الكتاب...

حقيقةً لم أظن أبدًا أن (ديجافو) هي من ستفوز في التصويت ... توقعتها (محتشمة آه آه ...محتشمة لأه لأه ) ...

لأن تصويت الجمهور كان عالي عليها و كمان اجتماعية ...

و كانت أغلب الأصوات و التدوينات المشاركة أدبية و تتجه لقسمي الأدب و الاجتماع...

لكن في الحقيقة ،

كانت توجد بعض التصويتات العالية للمقالات السياسية و قلة للبعض الآخر !

و بصراحة كله رائع و بعض المقالات ظلمها التصويت و لكنني أراها جميلة جدًا و تستحق المتابعة و القراءة !

و لقراءة كل التدوينات اضغط هنا :)

أحب أشكر كل من صوت لي و أيضًا لكل المشاركين في إخراج هذا الكتاب إلى النور بهذه الروعة و لكل المشاركين في كتابة

التدوينات الرائعة التي تم اختيارها أو لم يتم ... بجد مجهود رهيب يا شباب !

و للتعرف على الـ84 الذين شاركوا في تدوينات هذا الكتاب... اضغط هنا :)

أما لتحميل الكتاب الإلكتروني  بنسختيه سواء المميزة أو الخفيفة ... من هنا  :)

النسخة الفلاشية "أون لاين" من هنا :)

مقالتي موجودة في صفحة 247 تحت تبويب حرف اللام ... و لا تسألوني كيف  !

أما إذا كنت تقرأها نسخة Pdf فستلاحظ أنها -أي المقالة- في صفحة 168

أما إذا أردت أن تحصل على نسخة ورقية من الكتاب ، فحاليًا المتوفر من موقع lulu.com بـ12 دولار أي حوالي 72 جنيه

إذا افترضنا أن الدولار بـ6 جنيه ... و سيتم توفيره عن طريق دور نشر بسعر أرخص و جودة أعلى ان شاء الله :)

للحصول على النسخة الورقية من الموقع ... من هنا :)

و للتقييم و إبداء رأيك في الكتاب ... نرجو أن تزور صفحة الكتاب على موقع الجود ريدز :)

أتمنى تستمتعوا بالكتاب و شكرًا لكم جميعًا  مرة أخرى ^.^

(2)

مجلة شبابية شهرية متنوعة تصدر كل شهر و اسمها ... أشيائي !

أجل ! قرأتم الاسم بطريقة صحيحة فلا داعي لإضافة جملة (أين أشيائي) إليه !

المجلة نزّلت عددها الأول بعنوان (عيّد عندنا) و هو مرقم بالعدد صفر




ستجدون فيها أشياء متنوعة ...أشيائنا كلنا !

سياسة ...رياضية ... ترفيه ... و أنا :P 

لمتابعة أشيائي على الفيسبوك :

و على تويتر :


ابعت لنا لو عايز تشارك معانا بأشيائك على الايميل :

ashaey@gmail.com

و ان شاء الله قلم سارة هتنزل كل عدد مقالة جديدة :)

هذا العدد نزل فيه مقالة (محاولات قلم) لكن في المرات القادمة ستكون مقالات جديدة لم أكتبها بعد على المدونة

يعني حاجة حصرية كدا ... :P

يلا كله يروح ياخد له عدد من (أشيائي) ^.^

هتلاقوها في
O'negro Cafe' & PlayStation
3D Cafe' & PlayStation
Deviancy Fashion Store
Hilton Studios
Beauty Center
هي و رزقها للاكسسوار و الهدايا
مارلين مونرو للملابس الحريمي
212 For Gifts & accessories
Disney For Gifts & Accessories
Mooda For women bags and shoes
و في أماكن تانية كتير ... يلا استمتعوا و ما تنسوش تقولولنا آرائكم كلها و تنوروا المجلة بأشيائكم الحلوة  :)
و يا رب يكون الخبرين الحلوين دول خففوا عليكم شوية القرف بتاع المحاكمة النهارده ... ربنا يسهل يوم الأربعاء

9/9  راجعين الميدان

هناك 6 تعليقات:

  1. الف مبروك يا جميله على الكتاب وتدوينتك اللى فيه
    انا قريته اول ما نزل

    حلوه اوى فكره المجله دى
    ربنا يوفقك دايماً :))

    حاولت ادخل على صفحه المجله على الفيس
    بس مكتوب not found

    ردحذف
  2. ألف مبروك على الكتاب وعلى المجلة يا سارة
    قلم سارة من الأقلام اللي تستدعي كل الفخر وكل التقدير بجد

    ردحذف
  3. مبروك الكتاب و المجلة يا سارة
    إنتى مبدعة و تستاهلى أكثر كمان
    تحياتى

    ردحذف
  4. Bent Men ElZman Da !! @ الله يبارك فيكي يا دينا :)

    ربنا يوفقنا جميعًا ان شاء الله

    و تم تعديل الرابط المعطوب ^^

    ما تحرمينيش من زيارتك أبدًا :)

    ------------------------

    لبنى أحمد نور @ الله يبارك فيكي يا لبنى :)

    ميرسي ليكي جدًا

    كلامك أخجلني

    أشكرك جزيل الشكر :)

    و ما تحرمينيش من زيارتك أبدًا :)

    ------------------------

    شهرزاد المصرية @ الله يبارك فيكي يا شهرزاد :)

    ميرسي ليكي أوي

    ما تحرمينيش من زيارتك أبدًا :)

    ردحذف
  5. الف مبروك ياقلبي
    وربنا يوفقك دايما ومن نجاح لنجاح
    واشوفك كاتبه مميزه واحلي مذيعه او سفيره
    انشااااااااااااااااااااء الله

    ردحذف
  6. بسم الله الرحمن الرحيم ...\

    بداية ماشاء الله علي ماكتبتي أختي الغالية سارة اعجبني مدونتك وأحترت من أين أبدأ وكيف سأعبر عما رأيت وعن ملاحظاتي ومع هذا بدأت في تحميل كتبك ومجلتك لإطلاع عليها لي عودة مع تعليق مفصل بإذن الله ..

    في أمان الله ..

    ردحذف