الاثنين، 2 يناير، 2012

عن ثورة القلوب و نظارة ورق :)




يوم 19 نوفمبر كانت في احتفالية صغيرة في بيت القصيد بمناسبة كتاب ثورة القلوب الإلكتروني:)

الكتاب اللي طلعته أسرة ساقية رسالة في الجامعة...

و حقيقة ، فإن علاقتي بالساقية بدأت منذ ورشة نظارة ورق ... و هي ورشة لتعلم كتابة السيناريو عُقدت في سبتمبر الماضي ،

كانت الدكتورة غادة عبد العال صاحبة مدونة عايزة أتجوز (اللي بعد كدا بقت كتاب وبعد كدا بقت مسلسل)  هي المسئولة عن تعليمنا

كانت ورشة جميلة جدًا و كنا بنطبق فيها كتير :) .. و حصولي على واحد من أفضل ثلاث سيناريوهات في آخر الورشة التي كانت

لمدة ثلاثة أيام ... شجعني على المشاركة في كتاب ساقية رسالة الثاني الإلكتروني و الذي كان بعنوان ... (ثورة القلوب) ... و هو اسم لواحدة من القصائد الجميلة في الكتاب للدكتورة دعاء سلطان (لأ ...مش بتاعت برنامج توك شوز...لأ!) .. وشاركت بسيناريو بسيط لنكتة :) اسمها (حتفيدني بإيه) ... و هي حتى لو لم تكن من المهتمين بالسيناريو ... فقراءته تعتبر نوع من الخبرة التي يمكن أن تحكيها في المستقبل إلى أحفادك :D .

 كان يوم لطيف و تعرفت على بعض المدونين لأول مرة :)

لغاية ما خرجت من الحفل ولقيت أحداث محمد محمود و بعدها انشغلت و نسيت أكتب عن الموضوع دا خالص :)

فأنا آسفة جدًا لأني تأخرت في إبلاغكم الخبر دا .



لإبداء رأيك في الكتاب على صفحة الساقية على الفيسبوك



أو على الـGoodReads

في انتظار آرائكم :)

تحيتي .








هناك 3 تعليقات:

  1. أول مرة أعرف إنك شاركتى فى الكتاب :)
    ماشاء الله من نجاح لنجاح يا سارة

    ردحذف
  2. هاقراه طبعا واقولك رأيى من غير مجامله
    بس فى تعليق واحد بس
    انتى بتقولى

    في انتظار آرائكم :)

    تحيتي .


    آراااااااااااء
    فى مقابل تحيه واحده ؟؟؟

    ايه البخل ده؟؟

    ردحذف
  3. Sea Lover@

    :) ميرسي يا جميلة

    ابقي شرفيني ع طول كدا

    ---------------------

    hassanelly @

    ههههههههههههه
    معلش معلش

    في انتظار رأيك ، ابقى شرفني ع طول :)

    تحيااااااااااااتي :P :P

    ردحذف