السبت، 20 أغسطس 2011

لأنه مش نبي و لا رسول !

لأن الشحته و البكاء مش حل لمشاكلنا الدينية و المجتمعية...

لأن مبدأ (ولا الضالين آمين) لا ينفع اليوم في تتبع من نريد ...

لأن التدين ليس بكمية البرامج الدينية التي تتابعها أو أسماءك الالكترونية الدينية ...

لأن لا أحد فوق النقد و لا أحد فوق المساءلة ...

لأن لا أحد  مبجل و معصوم من الخطأ اليوم ...

لأن لكل واحد منا الحق في أن يعبر عن رأيه و يقول اللي عاوزه...

لأن من حق كل واحد فينا يعمل الجرافيك و الديزاين اللي على مزاجه ما دام لا يحتوي على إساءة بالغة (كالتركيب على وجه

حيوان أو شتيمة قليلة الأدب ) ...

لأن من حق كل واحد يشتغل في مهنته اللي ربنا هداه لها ...

لأن من حق كل قانون يحمي المهن و الذين يمتهنون في هذه المهنة ...

لأن من حق كل انسان يكون له الحق الأساسي في التعبير عن رأيه و أن يبتلع الآخر رأيه حتى لو كان مخالفـًا ...

لأن مش من حق حد يشتمك لمجرد اختلافك معاه في الآراء ...

لأن مش من حق حد يحجر على رأيك و يقولك كاني و ماني ...

لأن مش من حق حد يقولي بتعملي كدا ليه ؟!

لو عايز فعلاً تبقى ديمقراطي ... تقبل الرأي و الرأي الآخر و من غير شتيمة !

و حتى لو لقيت صاحبك حد بيكلمه بطريقة مش لطيفة ... ما تدخلش !

عشان جايز تسمع مالا يرضيك و كمان ممكن دي تكون طريقة كلامهم مع بعض .

لأني مش نبي و لا رسول و لا هو نبي و لا رسول ... عشان كدا محدش معصوم من الخطأ

و إذا كان رأيي إن فلان الفلاني كذا و كذا و كذا 

فملكش حق تقولي انت تيت و تشتمني !

دي مش ديمقراطية حضرتك ....

لا !

دي قلة أدب !

دا مش من الدين حضرتك ...

لا !

دا انعدام دين !

و خليك فاكر ...

انك خسرت ناس بتحبهم و عارفهم عشان ناس ماتعرفهمش و لا عمرهم هيبوصوا لك !



هناك 6 تعليقات:

  1. لان اللى قدامك مش مجبر انه يمشى على تفكيرك لانه ليه شخصيته وتفكيره يبقى مالكش الحق انك تتحكم فيه
    اختلاف الرأى لا يفسد للود قضيه
    للاسف فى ناس بتردد الجمله دى
    بس مش بيمشوا عليها

    تسلم ايدك يا ساره :))

    ردحذف
  2. فعلا تسلم ايدك ياسارة

    ردحذف
  3. صح جدا اللى قلتيه
    وبجد والله فى كل حته فى العالم الاختلاف بيفيد مبيضرش الا هنا

    ردحذف
  4. كلام سليم

    دمتى بخير

    :)

    ردحذف
  5. معاكى حق مليووون فى المية يا سارة !!
    و عارفة الناس بتكرر كلام و لا عمرها بتمشى عليه !
    و مش لازم أنا و أنت يكون رأينا واحد عشان تعجبنى
    و إختلاقف الرأى مش معناها أنى أشتمك !
    عجبنى كلامك أووى !!
    تسلم إيدك يا جميلة :)

    ردحذف
  6. جميلة تعليقاتكم أوي :)

    ميرسي ليكم

    و ما تحرمونيش من الزيارة دي ع طوول ^.^

    ردحذف