السبت، 6 أغسطس 2011

إيوا شمتانة فيك

في ناس كتير قالولي مش مهم

نصحوني أبعد عن الكلام دا و أكبر دماغي

قالولي في حاجات أهم

اشغلي بالك بيها و عيشي حياتك 

لكن كل الكلام دا مش مهم ما دام أنا عايزة أهجوك و أطلع لك لساني ...شماتة !!

قالولي الشماتة وحشة بس انت طلعت أوحش منها 

قالولي الموضوع دا فاكس و سيبك منه سيبك

لكن أنا كنت متمسكة بيك و لآخر نفس

جيت انت هديت كل حاجة كدا 

صمتك قتلني و خلاني ألف حوالين نفسي

و بقيت محتاجة لحالتي محلل نفسي !!

كان عندي احساس إني فشلت و ها أنت تثبت خطأ ظني و تفشل مجددًا مع الآخرين !! 
 
يعني الموضوع مش مني ؟! طب كويس طمنتني !!

و دلوقتي أنا جاية أشمت و أطلع اللي جوايا

أيوا انت كبرت دماغك مني

حاولت أبعد و أسيبك قلت لك باي باي

توقعت توقفني و تقولي استني و أنا معاكِ جاي

لكنك رديت ببرود باي !!

  
نــــــعـــــــــــــــــم !!!!!!!

بعد كلللللللللللللللللللللللللللللللللل دا تقولي ... باي ؟!!!!!!!!!

طيب يا سيدي روح عند اللي عايزك و بيحبك

و قوله آديني أهو قدامك

ما تنساش تنساني

عشان مش ناقصة أماني

و وعود فارغة و كلام فاضي !!

روح يلا عنده أو عندها و أوعى تفكر ترجع هنا تاني...

  
و إلا هتلاقي في استقبالك مدافعي... 

 !!...و ربنا كمان دباباتي




كتبت : Sara

من وحي الثورة :D

هناك 6 تعليقات:

  1. ههههههههه الواحد على كده يخاف على نفسه...ياجماعه الموضوع ف دبابات وكلاام كبير

    تسلم ايدك يا قمر :D

    ردحذف
  2. نعم نعم !!
    غداً في ميدان التحرير ..
    سحقاً لكل من يتلاعب باسم الحب ..
    وتباً له ..
    فأمثال هؤلاء علمونا معنى اللسان السليط ..
    للأسف ..
    لا يوجد في هذه الأيام من يستحق التضحية ..
    أصبح الحب مجموعة من أوراق اللعب ..
    ينتهي متى انتهى الشخص منها في يده ..
    تباً ..
    المهم .. أنتي رائعة سوسو
    ونحن لانحتاج للحب من أشخاص ليسو بحجم مسؤولية الإخلاص والوفاء ..
    نحن لا نحتاج في عالمنا المبهم إلى مزيد من الأكاذيب ..
    أو مزيد من الدموع والعويل ..
    كل واحد همه بصدره يزيده حب كمان !!
    ياعم احنا ناقصين .. هوا ده كلام ؟!
    يلله ربنا يعوض بخير ..

    ردحذف
  3. ههههههههههههههههههههههههه
    ماله و ماله .. اشمتى اشمتى
    بس عسل ع فكرة D:

    ردحذف
  4. ههههههههههههههههههههههههههههههه

    ابقي ابعتيلي دبابة الله يرضي عنك ياشيخة عشان محتاجاها

    ردحذف
  5. كلاكيت أول مره @ الله يسلمك :D
    نورتيني ^.^

    heba atteya youssef @ انتي أجمل ^.^
    الله يسلمك نورتيني :)

    nada3omri @ LOL :D
    شكلك هتحصليني في الميدان هههههههههههXD
    انتي رائعة و كلامك رائع ^^
    بالتوفيق حبيبتي ، نورتيني ^.^

    Radwa Ashraf @ حبيبة قلبي :D بتشجعيني اني أطلع اللي جوايا ع طول ههههههههههههههه
    ميرسي ليكي
    نورتيني :)

    EL pRiNcEssA @ أوي أوي ، دبابتين مش واحدة بس عشان تبقى فــتــّاكة بزيادة :D
    و لا يهمك ههههههههههههه
    نورتيني

    أشكركن جميعكن على المرور و التعليقات العسولة أوي دي
    نورتونني
    كرروها على طول كدا :D
    في انتظاركن على طول :)

    ردحذف