الأربعاء، 17 أغسطس 2011

الديمقراطية في دماغ المعلم المصري = صفر !


كان تعليقي المكون من سطر واحد على هذا الخبر هو مجموعة هائلة من السباب و الشتائم و هتك العرض و الشرف و الشتيمة

بالأب و الأم !

و لما جيت أرد أصبحت معقدة نفسيًا و قليلة الأدب و التربية و محتاجة لطشة على وشي "القذر" حسب التعبير الرقيق 

للأستاذ الفاضل (عمرو عادل) "اعملوله سبام عشان خاطري" !

و على رأي المثل (اللي على راسه بطحة يحسس عليها) ...

المعلمين عارفين إن على راسهم بطحة و هي الدروس الخصوصية و انعدام احترام الناس ليهم .

و يرجع يقولك ، أصل المعلم مش لاقي احتياجاته و مش بيعرف يجيب علاجه و لا يجيب تمن الفطار

و جو الشحاتة الرخيصة دا ... على أساس إن الطالب جبار و هرقل و مدلل و كل حاجة بتيجي على مزاجه

و لا كأنه بيذاكر و يتعب في المذاكرة و لا كأن أهله هم كمان بيشتغلوا و بيتعبوا عشان يوفروا فلوس للطالب يروح المدرسة

و لا كأن الطالب أيضًا يمكن تكون حالته المادية برضو مش تمام و مش بيلاقي تمن الفطار و بيتشعلق في عربية نص نقل
عشان يروح المدرسة في ميعاده !

و إذا كان هذا مستوى رد المعلمين عندنا عندما يـُعرض عليهم رأي مخالف لرأيهم فـ(بلاها) أحسن !

إذا كان الحوار سيتضمن الشتيمة و قلة الأدب و هتك العرض و التعريض بالأب و الأم فهؤلاء المعلمون يحتوي مخهم 

على (صفر) ديمقراطية  و لا نقبل كطلبة أن نتفاهم معهم أو أن يدرسونا !

لما يبقوا ياخدوا شهادة من الدكتور النفسي تفيد إنهم مش معقدين و مش هيطلعوا البلاوي و القرف على جتتنا

و يبقوا واخدين كورس في تهذيب اللسان نبقى نتفاهم معاهم !

غير كدا مفيش

و أنا من موقعي هذا ...

لو شوفت مدرس قل أدبه على أهلي مش هرحمه !

و اللي يقولي مصر فيها 13 مليون مدرس و دا قلة قليلة الأدب ...

معلش أنا ماشفتش غير عدد واحد مدرس اللي محترم في حياتي كلها في المدارس الحكومة 

و الباقي نص نص و ربع ربع و مفيش خالص !!

و أنا بحكم على اللي بشوفه قدامي مش محتاجة أتكلم مع الـ13 مليون واحد عشان أصدق إن في مدرسين محترمين !

أيها المعلمين المصريّن

لسانكوا قذر  ... و محتاجين تقويم و إصلاح !

و اللي هيعمل راسه براس المقال دا و يرفع عليّ قضية أو يقدم فيّ بلاغ 

يبقى عيل و مش مدرس بحق و حقيق و لا عنده استعداد يتناقش نقاش موضوعي محترم !


هناك 4 تعليقات:

  1. معاكى حق مليون فى المية !!
    أنا فتحت و شفت التعليق و شفت الردود المحترمة اللى المفروض أنها من ناس
    بتعلم أجيال .. و الصراحة اتطمنت على الأجيال !!
    لو هم عندهم احتيجات و حالتهم صعبة .. ماهو الطالب برضة زيهم !!
    حسبى الله و نعم الوكيل !

    ردحذف
  2. أنا مازلت مصدوووووومه

    ردحذف
  3. انا من زمان قولت ان المهن ال بتاثر ع الاجيال زى التعليم

    او الشرطه

    لازم يتعملها اختبار نفسى قبل التعيين

    علشان العقد دى متتورث ف العيال

    يلا معلش

    ردحذف
  4. Radwa Ashraf @ حسسسسسسسبي الله و نعم الوكيل
    قوليها كدا :D
    بجد بجد
    اتطمني يعني ...أجيالنا هتطلع زي الفل ان شاء الله :D
    بس هي تبعد عن الأشكال دي و تفضل تزوغ من المدرسة !

    ------------------------
    heba atteya youssef @ معلش ... أنا كذلك !

    ------------------------
    خالد ناجى @ أنا مش عارفة مفيش حد بيسمع لك في البلد دي يا خالد ليه !!
    لازم تاخد لك موقف قووووووووووووووووي معدتش ينفع و الله الكلام الفاضي دا :D
    يلا معلش ايه بس ... ورا الموضوع دا لغاية ما يتعدلوا XD
    بمزاجهم غصب عنهم هيتعدلوووووووواااا !!


    أشكركم ع المرور و المواساة دي :D
    ربنا يخليكم لي ^^

    ردحذف