الأربعاء، 4 يوليو 2012

يوم التدوين الموحد

 النهارده يوم التدوين الموحد ذي الأسئلة الموحدة :D
أعتذر عن عدم التدوين الأيام الماضية .. ماكنش عندي مزاج :)
نبدأ بالأسئلة و الإجابات
 


1/ عرف نفسك ؟

من أم الدنيا أكتب ... أنا سارة :)
واحدةٌ من ثوارِ الظلِ الذين لا يظهرونَ على التلفازِ أو تلهثُ الصحافةُ وراءَ أخبارهُم
فتاةٌ عاديةُ جدًا تعيش في عالم ليس عاديـًا تحاولُ مشاركةَ الآخرينَ أفكارها و أيامها
يقولون أن عمري 17 عامـًا ..لكن بداخلي أؤمن أنني مازلت أخطو بالكاد نحو عامي الثاني في الحياة البشرية 
مؤمنة بأن الغد أفضل مادامت الشمس ستشرق كل يوم ! 
أيضـًا أؤمن بحرية الإبداع الكامل و حقوق الانسان و المرأة و الطفل و النبات و الحيوان و كل ما خلق الله على هذه الأرض الجميلة.


2/ ما أكثر ما يميز شخصيتك ؟



أعتقد المفروض تسألوا الناس التانيين اللي بيتعاملوا معايا :D
بس ع العموم ع العموم يعني ... أنا عصبية جدًا جدًا ..طفولية بدرجة كبيرة و عادة أتفلسف .. متمردة .. Wild :D .. الشعرة اللي بين العبقرية و الجنون مفقودة عندي XD
 
3/ ما هى اهم نقطة تحول فى حياتك ؟


الثورة المصرية طبعـًا :)
غيرت رأيي في حاجات كتير و أنا نفسي تغيرت كتير أوي..أنا معدتش عارفة نفسي 

4/ كيف دخلت الى عالم التدوين ؟


مش عارفة كنت قلت الكلام دا قبل كدا و لا لأ ... بس أنا كنت بكتب زمان في مدونة ع قدي ع ماي سبيس بفضفض فيها كدا  و بعدين لما اتشالت نقلت ع الوورد برس (فترة انتقالية قصيرة) و بعدين نقلت للبلوجر :)

5/ ما اسم مدونتك ولماذا اخترته ؟


قلم سارة ... كنت عايزة اسم يعبر عني و لقيته دا :)
 
6/ صف مدونتك ؟


أعتقد أن وصف مدونتي مختصر في شعارها (قلم مشاغب أحيانًا .. مشاكس أحيانًا أخرى ، و جدّي باقي الوقت)
المدونة فيها سياسة و اجتماع و فكاهة .. فيها بعض من جنوني الشخصي :)

7/ من هم أكثر ثلاث شخصيات أثروا بك من داخل عالم التدوين ؟ ومن خارجه ؟

برايد (الدكتورة غادة عبد العال) ... رحاب بسام و حبيباتي سارة أحمد فوزي و ياسمين خضير :)

و من خارجه الكتاب اللي تربيت على إيدهم طبعـًا :)

من أول خالد الصفتي مرورًا بمحمود سالم و نبيل فاروق و أحمد خالد توفيق و انتهاءًا بـعلاء الأسواني و بلال فضل و عمر طاهر

 


 

8/ ما هى طقوسك الخاصة عند الكتابة ؟

ما أعتقدش في طقوس معينة .. يعني الجو لازم يبقى هادي شوية بس :)

و أفضل تدوينات لي بتطلع أوقات الضغط و أيام الشتاء :)

ماعرفش ليه :DD


 

9/ ما هو الاسلوب المفضل لديك فى التدوين ؟

هو أسلوبي بيضايق ناس كتير بس أنا برتاح معاه جدًا .. هو أسلوب التدوين العامي مع الفصحى .. بحب أدمج العامية بالفصحى بطريقة سخيفة للغاية ..  بس بتريحني شخصيـًا لأني لسه مبتدئة :)


10/ فى رأيك ما أهم ما يميز تدويناتك ؟

بتعبر عن حاجات جوايا و حاجات برايا .. بس أعتقد أهم حاجة إنها كتير بتفكر بالعقل و المنطق قبل العاطفة ..يمكن يعني !
 
11/ ما هو تقيمك لعالم التدوين فى الفترة الاخيرة ؟

Identify الفترة الأخيرة عشان أقدر أجاوب :D

بس أقدر أقول إن في نشاط واضح في عالم التدوين :)

عاجبني إن في ناس جديدة دخلت و بدأت تتشجع تكتب... حاجة حلوة خالص و تثبت إن لسه عالم التدوين بخير و إنه مامتش زي ما ناس كتير قالت بعد ظهور شبكات التواصل الاجتماعي .

صحيح قل بس مامتش

و حملات التدوين بتعطيه صحوة و دفعة ما بعدها دفعة ، أعتقد بتنفعه كتير :)

 

12/ اختر اقرب تدويناتك الى نفسك وضع رابطها وحدثنا عنها ؟

بحب كل اللي بكتبه الصراحة :) و بعتبرهم كتاكيتي الصغيرة

بس بحب دي جدًا

أعتقد فيها خلاصة تجارب لي تستحق القراءة و التفكير منكم :DD

كمان بحب نظرية رقم اتنين اللي ألفتها عشان أوضح مشكلات كتيرة بنتعرض لها بسبب الثنائيات في حياتنا :)

كمان رحلة البحث عن الاستقرار :)
 و كل حاجة كتبتها من ساعة ما بدأت حملة التدوين السنة دي :D



13/ استعرض اهم المواقف الغريبة او الطريفة التى صادفتك مع التدوين ؟

في ناس كتيرة بتدخل تعلق بطريقة متحدية أكتر منها مفكرة .. في تعليقات من نوع (ما تجيبيش سيرة الإخوان تاني)

أو (انتي فاكرة نفسك علاء الأسواني و ناقص تنهي المقالة بالديمقراطية هي الحل)

و في طبعـًا إهانة لي كـ بنت بكتب في السياسة  من بعض المتشددين :)

بس بجد ، بستمتع  .. حاجة كدا تحسسك إنك بتعمل حاجة مفيدة في حياتك :
D


 
14/ هل أحدث التدوين تأثيرا عليك ؟ وكيف ؟

آه أكيد... اكتسبت خبرات كتيرة .. بقيت بتعامل مع الناس بطريقة مختلفة شوية .. أسلوبي اختلف ..تطور .. اتعرفت على ناس كتير ... و التدوين فتح لي مجالات كتير .. باختصار ، أنا بحب التدوين :)

 
15/ اختر اى مدون ووجه له سؤال ؟

لكل المدونين ، إنتوا بتكتبوا حلو كدا إزاي :) ؟!




ها قد أنهيت التدوينة بسلام :DD

نراكم في تدوينة قادمة

إلى اللقاء XXD

 

هناك 13 تعليقًا:

  1. ^_^ أجاباتك حلوه و خفيفه
    أما بالنسبه للناس المتحديه ده مرض يا سوسو :D سيبيهم ربنا يشفى ان شاء الله فى ناس مش بتنقد لاااا دى بتعمل حاجه تانيه بتتخانق :D
    اسلوب المتنقل ما بين الفصحى و العاميه حلو جدا جدا لانه بيعمل روح للحاجه و بيخليكي تنتبهى للكلام
    و أنا مبسوطه أنى من الاسامى الى مكتوبه :)))))))))


    و فى النهايه نترككم برعايه الله و أمنه و نلقاكم فى حلقه أخرى من برنامج ما يطلبه القراء :D

    ردحذف
    الردود
    1. ياسمين الحلوة :)

      تسلمي حبيبتي :*
      هههههههههه
      فعلاً فعلاً .. ناس جاية تخنقك في عيشتك و خلاص :DD

      تسلمي يا ياسوو مرة تانية :)

      و أنا مبسوطة إني شوفتك عندي في المدونة

      ابقي تعالي زوريني كل فترة كدا :)

      هههههههه

      تحياتي :*

      حذف
  2. حسيت انى شيفاكى وانتى بتتكلمى
    زى يوم حفلة التوقيع كدا :))
    عسولة جدا جدا واجاباتك لذيذة اوى
    وخليكى زى ما انتى بكل حاجة فيكى
    واكتبى فى السياسة واى حاجة تعجبك مش من حق حد
    يقيد فكرنا ولا اسلوبنا ولا موضوعاتنا
    وبالنسبة للسؤال فأحنا بنكتب حلو علشان انتى بتقرأى بس

    ردحذف
    الردود
    1. آية الجميلة :)

      ههههههههه تسلمي يا جميلة :*

      دل من ذوقك بس

      تسلمي و أكيد هكتب يعني و لا يهمني :)

      و شكرًا على إجابة السؤال ،، تسلمي يا قمر

      و في انتظارك في المدونة دومـًا :) :*

      حذف
  3. مش عارف بس في فرق أنا أخواني متشدد من الناس اللي بتضايق دي بس أنا فاكر قرأتلك قبل كده كانت حاجه أسمها من شباك بيتنا بس حبتها

    ردحذف
    الردود
    1. من حقك تكون متشدد لفكرتك بس مش لدرجة إنك تحجر على الآخرين .. هناك فرق :)

      ع العموم ، أنا مازعلتش من حضرتك ،، في تعليقات تانية بس هي اللي بتزعل .. بيبقى فيها شتيمة أو تهديد مباشر :)

      لكن الباقي عادي :)

      مرحبـًا بك في أي وقت في المدونة و بتعليقاتك أيضـًا :)


      تحياتي

      =)

      حذف
    2. تحياتي ليكي و لذوقك
      شرف ليااني اتابع مدونتك
      منتظر آرائك
      http://ahmedsobhyzalatqalmi.blogspot.com/

      حذف
  4. الردود
    1. و أنا حبيت زيارتك و قرايتك للموضوع أوي :)


      ابقي تعالي كل فترة كدا زوري المدونة :)

      تحياتي لكِ :*

      حذف
  5. فعلا...لا يجب أن نقيس الناس بأعمارهم..فهاهم يقولون عنها 17لكنها بلسان الشباب وحكمة الشيوخ..وبراءة الاطفال..ربنا يوفقك

    ردحذف
    الردود
    1. :)

      تسلم ع الكلام الجميل دا

      و شكرًا على زيارتك و قراءتك وتعليقك

      ابقى زورني كل فترة كدا :)

      تحياتي لك :)

      حذف
  6. الردود
    1. لبنى الجميلة :)

      و الله انتي اللي جميلة :*

      تسلمي ع المرور و القراءة و التعليق :*

      ابقي عدّي كل فترة كدا

      تحياتي لكِ :*

      حذف