الخميس، 3 مارس، 2011

أستاذ و لسه عايش قبل 25 يناير !

 دخل لنا مدرس الفيزياء لأول مرة في المدرسة الثانوية ، و باختصار كانت


الحصة كابوس !!! خلت يومنا مطين بطين .


أول ما دخل ، قالها بكل صراحة و وضوح بصوت جهوري - لم يتحدث به بعد ذلك


أثناء الشرح- :


" شوفوا بقه ، الفيزياء صعبة مش سهلة خالص ، و الامتحان كان سهل رغم إن


الكلام طلع عنه إنه صعب و كلكو أغبيا و في 7 سقطوا الترم الأول بس بقه أتمنى


انكو تطلعوا عدلين شوية و ما تبقوش أغبياء و طبعًا هم ما لغوش حاجة من المنهج


لسه و قدامنا وقت قليل فطبعًا لو ما قدرناش نكمل هنضطر ناخد حصص زيادة


لأن اللي بيحط الامتحان هيحطوا ضروري حاجات احنا ما أخدنهاش ."


طبعًا كلامه المتفائل جدًا خلانا نفضل مكتئبين طول الحصة (من غير ما نظهر دا


طبعًا !) ، خايفين حتى نتنفس !!


هذا نموذج معلمي الجيل القادم !!


ما أريد قوله الآن ، أن هذا المعلم الفاضل الذي لم يعرفنا باسمه حتى أو ما يريد


منا أن نحضره معنا طوال العام ... باختصار ، كان داخل و حاطط نظارة سوداء على


عينيه  و معه 30 نظارة أخرى من أجلنا .


في وسط فرحتنا بالثورة و الحرية (و طبعًا لم يتحدث المعلم الفاضل عن الثورة كما



هي تعليمات أول حصة في الفصل الدراسي الثاني !) ، مازال أمثال هذا المعلم


المتخلف الذي لا يبغي من مقدمته اللطيفة سوى هروعنا إليه لتسجيل أسماءنا


في قائمة دروسه الخصوصية و لم يفطن ذلك المعلم إلى أن تاريخ اليوم كان 


26 فبراير 2011 م  ... يوم بعد شهر كامل من قيام ثورتنا ... ثورة 25

يناير2011 م !!


صحيح ، بعدها فضحناه في كل المدرسة و على الفيس بوك ، و

لقينا إن شرحه كويس و إن كان صوته مش واضح محتاج مكبرات صوت

عشان نسمعه ، لكني تضايقت من افتتاحيته اللطيفة جدًا التي لم يكن لها 

لزوم أبدًا ، فلنفترض أن الدفعة 207 ،


ليه نهمل الـ200 اللي نجحوا و نبص للـ7 الساقطين

على أساس إنه لسه بنبص لنص الكوباية الفاضي !؟



نظرية خاطئة 100%



 و ربنا يستر ،،


ملحوظة :

كالعادة ، طبعًا مفيش سلة قمامة في الفصل و عاملات النظافة اختفين في ظروف

غامضة و الفترة المسائية - التي انتقل إليها فصلي هذا الفصل الدراسي- بلا

جرس حصص !!

و سلم لي على أحلى تعليم فيكِ يا مصر .. ،،


هأ أ أ و ~
s.

هناك 4 تعليقات:

  1. مش قادرة امسك نفسي من الضحك

    ردحذف
  2. طول عمر التعليم عندنا بايظ يا سوره ;) يا رب يتعدل بقى علشان نعيش عيشه احسن
    و ما شاء الله اسلوبك جميل فى الكلام اوى :)

    ردحذف
  3. حبة البركة ، اضحكي اضحكي
    ماهو شر البلية ما يضحك
    بكرا ترجعي و تجربيه بنفسك

    ردحذف
  4. فعلا التعليم بايظ يا ياسمين ، يارب يتعدل بقه أنا زهقت =(
    ميرسي حبيبتي ع التعليق و المتابعة =)
    في انتظارك دومًا

    ردحذف