الجمعة، 11 نوفمبر 2011

11-11-2011

 كل 100 سنة مرة على ما بيجي التاريخ دا :)

كتبت موضوع السنة اللي فاتت عن 10-10-2010 و كان مقتضب و غامض شوية

عشان كدا هتكلم شوية النهارده :D

اليوم كان طبيعي و عادي نسبيـًا ، مذاكرة من الصبح عشان عندي بكرا امتحانين (عربي و فرنساوي) ...اهيء اهيء ربنا معايا

ادعولي !

كمان صدر اليوم الحكم التاريخي من القضاء الإداري في المنصورة بعدم قبول أوراق فلول الحزب الوطني للترشح في مجلسي الشعب 

و من الطريف أن هذا الحكم صدر بعد أيام قليلة من نشر قائمة أسماء الفلول على مدونتي !

لذلك ، أحب أن أعلن عن فتح باب قبول الطلبات لأي حد عايز يخلص من أي حاجة أو أي حد يبعت لي و هكتب عنها في المدونة

(هذا العرض غير ساري على مجلسي الوزراء و العسكري و النادي الأهلي ...لأنهم  على ما يبدو محصنين ضد أي نوع من أنواع الحقد و الحسد ! و كذلك بالنسبة للمحاكمات العسكرية للمدنيين !)


:D

كمان في موقع جديد فتح اسمه (الباشـ مدون) و كان العاملين عليه بيشتغلوا بجد فعلاً :)

أتمنى تزوروه و تقولوا رأيكم فيه ^.^

بعد شوية ، هكتب بعض الجمل التي خطرت على بالي بسبب ما حدث لي في الأيام السابقة و كل الافتكاسات و الشياطين طلعت عليّ

النهارده 11/11/11 !

ما تروحوش بعيد :)

Stay Tuned ^.^

هناك 3 تعليقات:

  1. حكم تاريخي فعلا بس مقلق جدا , أولا القانونيون مختلفون هل يطبق علي المنصورة بس ولا كل الجمهورية وعن مدي قانونيته في الحالتين , ثانيا أكيد هيطعن عليه والله أعلم حكم الادارية العليا هيبقي ايه , ثالثا كان في حكم في قضية مشابهة صدر لصالح طارق طلعت مصطفي في اسكندرية والحكمين متناقضيبن كده , رابعا في فرضين الأول انه الحكم يطبق ويشطب الفلول وتجري الانتخابات وبعد النتيجة يصدر قرار الادارية العليا ببطلان الحكم وتتلغي الانتخابات والتاني انه لا يطبق في محافظات المرحلة الأولي والتانية ويطبق بس علي المنصورة في المرحلةالتالتة وبكده يطعن علي شرعية الانتخابات واحتمال الغاءها برضه , أنا مش متشائم قوي بس الخلاصة ان في حالة تخبط شديد جدا جدا جدا

    ردحذف
  2. :)

    يعني بقالي كتير مكتبتش هناهوت

    هحاول أعود نوعاً ما ...

    وانا فرحت بموضوع رفض الحزب الوطني ده جدا

    بس لسه عندي قناعة ان الانتخابات الجاية هتكون اسوأ انتخابات ف تاريخ مصر...يمكن عشان انا مسحت كل التاريخ بعد الثورة !!

    يللا العواف انا كمان ورايا كويز بكرة ف الكلية

    كان الله معنا :)

    ردحذف
  3. هههههههههههههههههههههههههه
    تحفة بجد اصلا
    الله اكبر هتحسدى النادى الاهلى ولا ايه
    يا ساااااااتر :P :D
    وهييه هييييه الفلول اترفضوا هيه هيه
    ربونا معاكى فالامتحانات يا سكر :)

    ردحذف