الخميس، 28 مارس 2013

هـلاوس



هانت / كلها شهرين / ايه اللي حصلك ؟! / الوقت أزف / استحملي / ايه دا !؟  / مالك مش مبسوطة ؟! / اضغطي على نفسك شوية كمان معلش/ خسيتي كدا ليه ؟! / بلاش تضيعي وقت / انتي داخلة على منعطف تاريخي / غيري تسريحة شعرك /سلفادور دالي كان عبقري/ اضحكي أكتر / كـُلي بروتين / أنا بحبك / يسقط حكم المرشد / صاحبك اتعور / وحشتيني / عاملة ايه مع الفيزيا ؟ / مين الولد دا ؟! / أخويا أخد الموبايل / باسم يوسف الجمعة / الهلاوس هي اضطرابات سلوكية يدرك الشخص فيها مثيرات لا وجود لها في عالم الواقع / أنا جبت 23 من 25 في الامتحان / يسري فودة عمل حادثة / لن أحصل على أميري أبدًا / فين مانشيت ؟! / النور قطع/ أنا هنام / محمد يسري سلامة مات ؟! / كفنوه و ادفنوه أسكنوه هوة اللحد العميق و اذهبوا لا تندبوه فهو شعب ميت ليس يفيق / هي كانت يفيق و لا يريد شفيق ؟! / البرادعي مسافر / هو كان نسيب عريضة و لا مين ؟ / أدب أدب أدب / الهلاوس تنتج من الحرمان الحسي / عاوز أشوفك / العالم فونت كان مـُز / On my way to California / ايه اللي فكرني بالأغنية دي دلوقتي ؟! / النور جا / لازم أقوم أذاكر / هي الأستيكة راحت فين ؟! / مين انتي ؟! / تحدث الهلاوس نتيجة الإدمان  / انتي بتحبي صاحبي ؟! / أنا مش role model / يسقط حكم العسكر / فين براجراف الانجليزي ؟! /بتعملي ايه في بيتنا ؟!/ Drugs Drugs / أنا نفسي أشرب نسكافيه زي كل البنات بس ما بحبوش / Street - Road / بعض المرضى بالحمى يصابون بالهلاوس و لا تعتبر من علامات الذهان في هذه الحالة / عاوزة آكل آيس كريم بس خايفة ع زوري / الهلاوس من علامات مرض الذهان العقلي / تحليل الضوء في معمل البرج/ لينين ..لينين.. / الإخوان / الأميبا لا تنتهي / عاوزة ألبوم ون ريببلك الجديد / صباح الخير/ هي العصافير بطلت تغرد ليه ؟! / أنا عاوزة أنام بدري النهارده / تويتر بقه ممل / ماركس .. / صوت ..صوت.. صوت..

ثم أدرك شهرزادَ الصباحُ فسكتت عن الحـُلم المـُباح .




اللوحة للفنان سلفادور دالي بعنوان بطة عام 1918 ، المصدر 

هناك 9 تعليقات:

  1. الردود
    1. أشكرك جزيل الشكر :)

      في انتظار زيارتك القادمة في أقرب فرصة .

      تحياتي :)

      حذف
  2. الردود
    1. أنتِ اللي حلوة جدًا خالص :*

      شكرًا على الزيارة الحلوة و القراءة و التعليق

      دمتِ لي ♥

      في انتظاركِ قريبـًا جدًا

      تحياتي

      :)

      حذف
  3. هلاوس حلوة .
    لذيذة .
    ليها طعم . وريحة كمان . ولون .
    وفيها بدل المعنى الواحد معاني كتير .
    وياريتها فعلا معدية . عايز تكون عندي هلاوس زي دي ^__^

    تشكراتي . لكي كامل احترامي وتقديري . دعواتي . تحياتي .

    ردحذف
    الردود
    1. شكرًا شكرًا :)

      بجد رأيك فرق معايا كتير

      أشكرك على الزيارة و القراءة و التعليق

      في انتظار زيارتك القادمة قريبـًا جدًا

      تحيتي لك

      :)

      حذف
  4. الردود
    1. أشكركِ عزيزتي جزيل الشكر :)

      في انتظار زيارتكِ القادمة قريبـًا

      حذف