الأربعاء، 3 أغسطس، 2011

محاكمة ...هيب هيب !!



مش فاكرة كنت بشوف مسلسل ايه ... و كانت في إحدى الحلقات الممثلين يقومون بتمثيل دور بطل الهيب هوب

و كل كلمة كانوا يقولونها يتبعونها بـ (هيب هيب) ...

و ارتبطت عندي هذه الكلمة بكل أمر غريب و شاذ..

و لأن بعد سويعات قليلة محاكمة مبارك ... المخلوع !

فـهقولها بأعلى صوت (هيب هيب )

هيب هيب

هيب هيب 

هيب هيب


حد هيسألني يا عتريسة فندم ... كنتي متخيلة انه دا يحصل في يوم ؟!

هبص له بغباء و أقوله : نعم ؟!!! دا حاجة واحدة بس ممكن تخلصنا منه ...هو الموت !!

كان الواحد يأساااااااااااااااااااااااااااااااااااان يا جماعة يأس ما بعده يأس لغاية ما جات الثورة و شاركنا و زقيناه وقعناه 

ع الأرض من على كرسي الحكم .

و آي نعم أنا عندي تخوف كبير من اللي هيحصل بعد سويعات قليلة في المحكمة ...

متوقعة يقطعوا علينا نور و نت و هوا لو يقدروا

و ممكن كمان يسموا النيل ... هتقولولي احنا صايمين ...هقولكم معلش برضو احتياطي جايز يكون في حد مش صايم و كمان 

...المسيحيّن و أهي فرصة يخلصوا من الأقلية اللي قرفاهم في عيشتهم  !

أو يكونوا عملوا عملية تجميل لواحد و خلوه شبه مبارك ... أيوا عادي ! بتحصل ! 

متوقعة أي حاجة ...بس ان شاء الله خيييييييييييييييييير و تبقى محاكمة عادلة و سريعة و نهائية كدا هو و ياخد إعدام

قولوا يا رب !

و لأني عايزة أكمل معاكم الهيب هيب ،، هنقل لكم بعض من هاشتاجات التويتر

(MubarakTrial)

و 

(Da5letMubarak)

و الحقوق محفوظة لأصحابها المتاوترين على التويتر و تويتاتهم المهيسة و المطرقعة ((أنا بنقل بس ))

اعمل نفسك ميت ... اعمل نفسك ميت

انا لم اكن انتوى المجىء و لكنى ساظل اطلعلكم فى التلفزيوم مهما حصل 

مارشات عسكرية و قرآن

حيقول الأخوه المواطنون يحذ في نفسي..كل اللي في المحكمه يموتوا مالضحك يفضل لوحده قدام الكاميرا يقول مستر اكس مالوش نهايه عا

كان نفسي المحاكمة تبقي بليل واحنا فاطرين لزوم الفشار والشتيمة !!! 







إلى كل من يرى في محاكمة مبارك نصرا مبينا .. محاكمة قتلة الثوار هي النصر الحقيقي وان غدا لقاتله
  تويتة على آخر لحظة قبل الضغط على Enter:

طب خدى دى..المحاكمة بكرة يعني الفطار الساعة عشرة الصبح . . صوما مقبولا و افطارا شهيا

 و تويتاتي بقه :D






هناك 7 تعليقات:

  1. ربنا يستر واليوم ده يعدى على خير
    لما نشوف ايه اللى هيحصل

    ردحذف
  2. اللي ضحكتني اوي اوي دخلته وهو ماسك سبحة وبيقول السلام عليكم اخوتي ف الاسلام
    تحسي القاعة كلها ممكن ترد بصوت واحد
    وحياة امــــــــــــــــــــك


    ههههههههههههههههههههههههههههههههههههههههه

    ردحذف
  3. و آي نعم أنا عندي تخوف كبير من اللي هيحصل بعد سويعات قليلة في المحكمة ...

    متوقعة يقطعوا علينا نور و نت و هوا لو يقدروا

    انا كمان كنت متوقعه كده

    بس بجد عسوله ودمك خفيف
    دمت بارعه

    ردحذف
  4. عسل عسل يعنى يا سارة ..
    و بعدين يا ستى أهو جه يقعد يغيظنا بالساعة و ابنه ماسك المصحف !! D:
    {بنا يصبرنا عليه لحد ما نشوف أخرته ايه ..

    ردحذف
  5. اوكى اوكى مان اى جت ذا مسج :D

    هو دا مبارك وهو دا القفص ومسير الحى يتلاقي

    هدى اللعب شويه يا سارة كدا هايجرالك حاجه لو اتحكم عليه لا قدر الله :D

    ردحذف
  6. ههههههههههه

    انتي فضيحة يا سارة

    حسنا اليوم خُلُص على رأي حوزمبل

    لسه لينا ايام اخرى

    وهنتجمع على محاكمات تانية

    :D

    ردحذف
  7. Bent Men ElZaman Da !!@ ربنا يستر في كل اللي جاي :D


    EL pRiNcEssA @ أيوا بالظبط كدا :D


    heba atteya youssef @ أيوا الحمدلله ربنا ستر :D
    ميرسي على ذوقك
    العيال المتاوترين هم اللي دمهم خفيف بجد :D :D


    Radwa Ashraf @ دا انسان فقيييييييييييييييييييييييييييع
    كان أحسن له يعمل حساب المصحف قبل ما يبقى في الموقف دا !
    آمين يارب


    تاكاشى @ أوك يا جنرال :D
    حاضر هحاول أهدي نفسي...بس مش هقدر لأني محروقة منهم بجد :D :D


    طالبة مقهورة ..درجة أولى @أيوا أيوا أنا مصيبة :D
    حد قالك اني ملاك ؟
    ههههههه
    ياااااااارب نتجمع و يبقى إعداااااااااااام
    ياااااااارب

    أشكركم كلكم على المرور و التعليقات الحلوة أوي دي =)
    شرفوني مرة تانية و تالتة و رابعة وووو إلخ إلخ إلخ

    ردحذف