انتشر فيديو صباح اليوم على اليوتيوب و الفيس بوك يصور مدرسة في إحدى المحافظات (تقريبًا محافظة 6 أكتوبر الملغية)
و قد خلت المدرسة من كل الموجهين و المعلمين و بقي فقط الطلاب البلطجية ((في رأيي الشخصي)) و أخذوا راحتهم في الغش الجماعي
تـُرى أين المسئول هنا ؟
و من ترك المدرسة هكذا ؟!
لن أضع الفيديو مجددًا على قناتي على اليوتيوب ، فقط سأدعكم ترونه من هنا :
و بعدما ترونه ، ركزوا معي في هذه الصور جيدًا ...
المدرسة مكتوب على حيطتها ... محافظة 6 أكتوبر !!
نقل الإجابات من ورقة خارجية إلى ورقة الإجابات !!
مستني الفرج مش من ربنا لا ... من تحت !!
واااااخد ورقة الإجابة و رايح على فين ؟؟؟ مروح ؟!
يا ماشاء الله ! كمان مش مكفيهم الغش لا و بيتناقشوا كمان في صحة الإجابة !!
ليه اللجنة مقلوبة فوق بعضها ؟! خناقة ؟! و لا بلطجة ؟! و لا ايه بالضبط ؟!
نفسي أفهم ... عيل صغير بيعمل ايه في مدرسة فيها لجنة ثانوية عامة وقت الإمتحان ؟!
لا و كمان ماسك كرسي و واقف فوق دكة !!!!
بلطجة و لا انفلات و ايه بالضبط ؟!
ورقة الإجابات مرمية ع السلم ... يا ترى مين المسئول ؟ حرام الشجر اللي اتقطع عشان نعمل لكم ورق أصلا!!
تعليقي :
يعني ناس تتعب و تكافح طول السنة و ناس تاخدها ع الجاهز !!
يا ترى مين المسئول عن الكلام دا ؟
و هل العيال دي هتتساوا بينا في الجامعات ؟
و هيبقى واحد غشاش داخل الجامعة بالغش قاعد معايا على نفس المدرج و بيحضر نفس المحاضرة ؟؟
و دول رجالة دول ؟!
هل دول الرجالة اللي هنعتمد عليهم في تنمية مصر ؟!
هل في يوم من الأيام ممكن حد من جيلنا يتجوز الأشكال دي ؟!
شكلك ايه قدام ربنا ؟!
شكلك ايه قدام أبوك و أمك و أهلك و عيلتك ؟!
شكلك ايه قدام أصحابك ؟!
شكلك ايه قدام مجتمعك ؟!
يا ترى شكلك هيكون عامل ازاي يوم القيامة يالي بتغش و يالي بتسهل الغش و يالي ما بتأمنش المدارس و الامتحانات ؟!
شكلك ايه يا مسئول و انت واقف قدام ربنا ؟!!!!!!!!
ما حدش فكر إنه هيتحاسب يوم القيامة على المنظر دا ؟!
ما حدش فكر في مستقبل البلد دي و هو بيساعد على وجود المشهد دا ؟!!
فوقوا بقه ... فوقوااااااااااا
تقولوا لنا مجانية تعليم ...لأ دي بقت بلطجية تعليم !!
اللي مش قادر ع التعليم الثانوي ما يدخللللللللش ... يدخل معهد أو أي حاجة على قد فلوسه !!
ذنب العيال الغلبانة اللي بتذاكر طول السنة لما نظرها ضعف و ظهرها اتحنى و خست النص عشان تنجح و تدخل كلية محترمة؟؟
تعليم مجاااااااااني ايه و المناظر دي هتتساوى بينا في الآخر في الجامعة؟!
ربنا خلق لنا مخ مش بطيخة و خلانا بنفكر مش كفتة و خلاص !!
فوقوااااااااا !!
Damn ya Balad
<<< خلتوني أرطن أجنبي من الفقعة D:
حسبى الله ونعم الوكيل ايه التسيب دا
ردحذفعندك حق ناس تتعب وتطفح الدم وناس تاخدها ع الجاااهز
حاجه منظرها يفقع ويغيظ بجد النهارده الوزير حولهم للتحقيق كل الناس اللي في اللجنه ديه مدرسين ومراقبين
ردحذفيا جماعة الوزير قال ان ده مش امتحان ثانوية ده امتحان نقل فى مدرسة صناعية بس مش أكتر
ردحذفبغض النظر عن امتحان ايه دا ولا فين
ردحذفأحب ابشركم ان الغش منتشر جدا في مصر كلها
لكن مهما الواحد غش او جاب مجموع عمرة ما هايتساوى بالى ذاكر وتعب وجاب مجموع بسهر الليالي
في فرق تعليم
انا اتخرج مهندسين كتير اعفرفهم مالهمش في الهندسه وجايبين تقديرات اعلى من ناس بتفهم ومذاكرة لكن هايفضل المقياس الاول والاخير هو العلم ودا اللى لا يمتلكه اى حد بيدور على الغش
Randa Wagdy @ ابتسمي انتي في مدارس مصر :D
ردحذفmohamemed @ مش لما يحاكموا الأول الراس الكبيرة في البلد نبقى نطالب بتحقيق مع المراقبين !! ماهو لو مفيش عدالة مع الراس الكبيرة مش هتأمن على العدالة مع الروؤس الصغيرة !
Sokomonoss @ مش مصدقة! بس حتى لو !!
ماينفعش المنظر دا أبدًا !!
تاكاشى@ إن الله لا يضيع أجر من أحسن عملاً
و لكن في ناس فعلا بتفقع و المشكلة إنها حصلت معايا الترم الأول و في بنت غشت جابت مجموع أعلى مني و دا أثر على نفسيتي جامد نتمنى علاجات حاسمة لمشكلة الغش في مصر عشان مجهود الليالي ما يضعش بالبساطة دي
و أشكركم جميعًا على القراءة و التعليق
أسعدتوني جدًا =)
بالتوفيق لكم
تحيتي
فعلا حسبى الله وزنعم الوكيل شوفوا بسبب اللي غشوا دول وجابوا مجاميع عالية التنسيق ارتفع جدا وهمادول الي بياخدوهم مثال لتحسن التعليم ما احنا بلد بتحب المظاهر وما ضاع في الرجلين غير اللي نجحوا بمجهودهم
ردحذفميماتي @ أيوااااااا
ردحذفرفعوا المجاميع و بوظوا التنسيق =(
بلد فعلا ما بتحبش إلا المظاهر و الناس اللي اجتهدت بمجهودها فشلت!
ربنا يستر ع البلد دي و يبقى في حل سريع للمشكلة دي
ميرسي ع المرور و التعليق الحلو دا =)
ما تحرميناش من زيارتك دي تاني